The United Republic of Tanzania

TANZANIA INVESTMENT CENTRE



TANZIA .


Bodi ya Wakurugenzi, Menejimenti na Wafanyakazi wa Kituo Cha Uwekezaji Tanzania (TIC) wanasikitika kutangaza vifo vya  wafanyakazi wenzao watatu; Bw. Zacharia Naligia Kingu (Kaimu Mkurugenzi wa Idara ya Huduma za Kitaasisi), Bw. Saidi Amiri Moshi (Kaimu Mkurugenzi wa Idara ya Utafiti, Mipango na Mifumo ya Mawasiliano) na Bw. Martin Lawrence Masalu (Meneja Tafiti), vilivyotokea siku ya Jumatatu tarehe 21 Mei, 2018 kwa ajali ya gari, kijijini Msoga, Chalinze, Wilaya ya Bagamoyo.

Kituo kinachukua fursa hii kutoa pole kwa wafiwa wote; wanafamilia ndugu, jamaa na marafiki waliofikwa na msiba huu.

Heshima za mwisho kwa marehemu zitatolewa katika viwanja vya Karimjee jijini Dar es Salaam siku ya Alhamis tarehe 24 Mei, 2018 kuanzia Saa nne (4:00 asubuhi) hadi Saa saba (7:00 mchana). Baada ya heshima hizo, mwili wa Bw. Kingu utazikwa kwenye makaburi ya Kinondoni majira ya saa nane (8:00 mchana). Mwili wa Bw. Moshi utasafirishwa kwenda Wilayani Karatu na mwili wa Bw. Masalu utasafirishwa kwenda mjini Morogoro kwa maziko yatakayofanyika siku ya Ijumaa tarehe 25 Mei, 2018.

                                                         BWANA AMETOA, BWANA AMETWAA, JINA LAKE LIHIMIDIWE

                                                                                                                AMINA

                                                                                                           Geoffrey I. Mwambe

                                                                                                          MKURUGENZI MTENDAJI









Social Medias

Copyright ©2018 Tanzania Investment Centre.
All Rights Reserved.
Designed, Developed, and Maintained by Tanzania Investment Centre(TIC)